سامحينى يا غزة
مش هلومك لو وصفتينى بالجبن والخسة
شربنا كاس همومك والفرجة كانت مَزَّة
وسبناكى فى جوعك وشبعنا من البيتزا
سامحينى يا غزة
الكل بيتفرج عليكى والفرجة بقت إدمان
ماعدش فينا بطل الكل باع وخان
وسلاحى من زمان مكسور حتى أضعف الإيمان
الكل سامع آهاتك الكل معاكى جبان
سامحينى يا غزة
ماتفكريش ف العرب دول حيطة ومكسورة
وأكبر همومهم فيلم وماتش كورة
كلمة «نحارب» عندنا ممنوعة محظورة
إنتى مش فى البال يا غزة ولا حتى فى الصورة
سامحينى يا غزة
ليكى رب اسمه الكريم لا بيغفل ولا بينام
سيبك مننا كل الحكاوى كلام
صدقنا كدبنا وتهنا فى الأوهام
يا غزة يا حبيبتى ألف مليون سلام
موضوع: سامحينى يا غزة مش هنقدرنعمل حاجه. 
الإثنين ديسمبر 29, 2008 5:06 pm
